Skip to main content
Heim » Turar 2027 » Prince-pilegrimsreise til Minneapolis med Christer Falck og Petter Aagaard

Prince-pilegrimsreise til Minneapolis med Christer Falck og Petter Aagaard

22. - 30. september 2027 

Fotefar temareiser inviterer til ei unik musikkreise til Minneapolis, byen der Prince voks opp, skapte sin eigen musikalske identitet og bygde eitt av dei mektigaste kunstnarskapa i moderne populærmusikk. 

Reisa vert leia av musikkentusiast og plategründer Christer Falck og musikkjournalist Petter Aagaard. Saman utforskar vi stadene som forma Prince, frå dei første musikalske åra til den kreative fridomen i Paisley Park. Gjennom foredrag, historier og refleksjonar gir dei perspektiv på musikken, mennesket og tida han verka i. 

Vi besøkjer sentrale lokasjonar som Paisley Park, First Avenue og fleire stader knytte til både Purple Rain og Minneapolis-sounden. Dei lokale guidane tek seg av det historiske, medan Christer og Petter løfter opplevingane gjennom skreddarsydde innslag undervegs på reisa. 

Dette er ikkje berre ein tur for dedikerte Prince-fans, men for alle som er interesserte i musikkhistorie, kreativitet og korleis eit heilt kunstnarleg univers kan vekse fram frå éin by. 

Fotefar temareiser legg vekt på eksklusive opplevingar med roleg rytme og gjennomarbeidde program. Velkomen til Minneapolis og ei veke i Prince sitt univers. 

Atterhald om endringar

 

 

 

[ Lukk ]
Søk

Bildegalleri

Viktig informasjon

Informasjon om visum/innreiseløyve og helsekrav 

  • Dersom du har rørslehemmingar, avklar med oss om denne turen er egna for deg. 

  • Informasjon om ESTA (USA): 

Dei fleste treng berre ein godkjend ESTA-søknad for å få innreise til USA, men i nokre tilfelle er det naudsynt med visum. Du må sjølv setje deg inn i om du er ein av dei som må søke om visum. Dei som lyt søke om dette, må vere ute i god tid, då denne prosessen kan ta tid.  

Hugs at skjemaet om reiseløyve må fyllast ut og sendast elektronisk minst 10 dagar før avreisa.   

Dagsprogram

  • Atterhald om endringar

    Teiknforklaring for måltid inkludert i prisen:
    (F) Frukost
    (L) Lunsj
    (M) Middag

  • Dag 1: Onsdag 22. september - Reisedag

    Fly frå Oslo til Minneapolis, med mellomlanding i Reykjavik. 

    Etter innsjekking på hotellet samlast vi til ein uformell velkomst. Christer og Petter set tonen for dagane som ventar og gir ei innføring i korleis ein artist frå Midtvesten kunne bli ein av dei viktigaste musikarane i moderne tid.

  • Dag 2: Torsdag 23. september - Paisley Park

    Dagen er vigd til turens naturlege høgdepunkt: Paisley Park i Chanhassen. Dette var langt meir enn eit studio. Her budde, arbeidde og skapte Prince frå 1987 og fram til han gjekk bort i 2016. Gjennom omvisinga får vi sjå studioa der musikken vart til, den private konsertsalen, kostyme, instrument, prisar og personlege gjenstandar som gir eit sjeldan innblikk i livet og arbeidsmetodane hans. 

    Etter besøket gir vi mikrofonen til Christer og Petter. Stadene vi nett har opplevd dannar bakteppet for ein samtale om kreativitet, kontroll og kompromisslaus kunstnarleg fridom. 

    (F)

  • Dag 3: Fredag 24. september - Purple Rain

    I dag står albumet og filmen som gjorde Prince til verdsstjerne i sentrum. 

    Vi besøkjer First Avenue, den legendariske klubben som fekk ei av hovudrollene i Purple Rain. Her ser vi stjerna til Prince utanfor bygget, opplever lokala der mykje av historia utspelte seg og kjem tett på ein av dei viktigaste scenene i amerikansk musikkhistorie. 

    Vidare ser vi Schmitt Music Mural, kjend frå opningsscena i filmen, og fleire av dei store veggmåleria som i dag fungerer som monument over kor mykje Prince hadde å seie for byen. 

    Om kvelden samlast vi på hotellet til eit eksklusivt møte med ein som var tett på Prince. Saman med Christer og Petter blir det ei open spørsmålsrunde der deltakarane får høve til å kome tett på historia bak musikken og menneska som var med då alt skjedde. 

    (F,L)

  • Dag 4: Laurdag 25. september - Åpen dag

    Denne dagen står open til eigne opplevingar i Minneapolis. 

    Du kan bruke dagen til museum, shopping, fleire platebutikkar eller berre nyte byen i ditt eige tempo. 

    For dei som ønskjer det, legg Christer og Petter opp til ein tur på Mall of America, eitt av dei største handlesentera i verda. Turen blir eit fint høve til både shopping og ein god musikkprat. 

    (F)

  • Dag 5: Søndag 26. september - Historiske stader

    I dag følgjer vi fleire av spora etter Prince gjennom Minneapolis. 

    Vi besøkjer staden der nattklubben Glam Slam ein gong låg. Klubben var meir enn ein utestad; han fungerte som eit kreativt samlingspunkt og ein viktig del av Prince sitt univers gjennom store delar av karrieren. 

    Vidare kan dei som vil vere med til Sound 80 Studios, der nokre av dei tidlege innspelingane hans vart gjorde, og der vi kjem tettare på historia om korleis karrieren tok form (mogeleg val, mot tillegg i pris). 

    Vi køyrer også gjennom områda der Prince voks opp. Her får vi eit betre inntrykk av miljøet som forma han som menneske og musikar, samstundes som vi viser respekt for området og menneska som bur der i dag. 

    (F)

  • Dag 6: Mandag 27. september – Musikken

    Denne dagen utforskar vi dei musikalske miljøa som forma Prince. 

    Vi startar hos Electric Fetus, den legendariske platebutikken som var ein av favorittstadene hans gjennom store delar av livet. Her blir det høve til skattejakt på vinyl, bøker og memorabilia. Kjem du til å kjøpe fleire plater enn Christer? 

    Deretter besøkjer vi Bunker's Music Bar & Grill, ein sentral del av Minneapolis sitt levande musikkmiljø. Prince var kjend for å dukke opp her utan varsel for spontane jamsessions som raskt blei legendariske blant dei som var til stades. 

    Vi tek også turen innom Capri Theater, ei av scenene der den unge Prince utvikla seg som artist og utøvar. 

    Undervegs held Christer og Petter eit fagleg innslag om Minneapolis-sounden og korleis Prince bygde opp eit heilt musikalsk miljø rundt seg med artistar som The Time, Sheila E. og Jimmy Jam & Terry Lewis. 

    (F) 

  • Dag 7: Tysdag 28. september - Avslutning

    Den siste heile dagen samlar vi trådane frå veka. 

    Vi tek turen til Lake Minnetonka, kjend frå den legendariske scena i Purple Rain, før vi utforskar fleire filmlokasjonar og stader knytte til Prince si historie i Minneapolis. 

    Seinare på dagen samlast vi til turens avsluttande innslag med Christer og Petter. Her ser vi nærare på arven etter Prince, kvifor musikken hans framleis talar til nye generasjonar og kva plass han har i moderne musikkhistorie. 

    Om kvelden rundar vi av med ein felles avslutningsmiddag. For dei som ønskjer det, kan kvelden avsluttast med levande musikk på First Avenue, ein verdig finale på ei reise inn i Prince sitt univers. 

    (F,M)

  • Dag 8: Onsdag 29. september – Heimreise

    Etter frukost tek vi farvel med Minneapolis og set kursen heimover via Island. 

    Vi landar i Noreg torsdag 30. september med nye musikalske perspektiv, gode minne og eit nærare forhold til ein av populærmusikkens største kunstnarar. 

    (F)

AvreisedatoAvreisestadHotellLedige plassarFrå pris
22/9OsloMinneapolisMeir enn 839 950,-BestillMer informasjon
Les meir om Minneapolis»
22/9Utan flyreiseMinneapolis
Oppmøte i Minneapolis
Meir enn 831 950,-BestillMer informasjon
Les meir om Minneapolis»
Reisekalender
30/8Tysvær, Haugesund og Bokn historielag til Færøyane med Kirsti MacDonald JaregFrå 22 870,-
31/8Oset Fjellhotell saman med pensjonistlaga i Gloppen Frå 9 505,-
Kontakt oss
Telefon: 918 20 304
Våre telefontider er 09.00 til 12.00.
E-post: post@fotefartemareiser.no
Adresse:
Fotefar Temareiser AS
Sognefjordvegen 40
6863 Leikanger
Kontaktskjema
  • RGF Logo
Powered by Travelize