Terje Tvedt (fødd 1951 i Stavanger) er professor, forfattar og dokumentarfilmskapar, og ein av verdas fremste ekspertar på Nilen og vatnet si historie. Han har vore professor i globalhistorie ved Universitetet i Oslo og i geografi ved Universitetet i Bergen, og er i dag forskingsprofessor ved Nasjonalbiblioteket.
Bøkene hans har skapt stor debatt og engasjement i Noreg, og fleire av dei er omsette til mellom anna arabisk, kinesisk, engelsk, tysk og italiensk. Blant dei mest kjende er Nilen. Historiens elv, Det internasjonale gjennombruddet og Verdenshistorie. Med fortiden som speil. Han har motteke både Fritt Ords Pris og Forskingsrådets formidlingspris.
Tvedt har òg laga ei rekkje prisløna TV-dokumentarar som er viste over heile verda, mellom anna En reise i vannets historie og Kampen om Nilen. Dokumentaren A Journey in the History of Water vann førstepris som verdas beste miljødokumentar i 1998.
Han har forska på Nilen i over 30 år. Elva renn gjennom elleve land og er livsviktig for millionar av menneske, men er også ei kjelde til konflikt og kamp om ressursane. Få kan ta deg med inn i denne historia slik Terje Tvedt kan.
